Gvangjsih Swhyen Codaengj Gyauyuz Yozyen Lingjdauj Daengz Laizbinh
Si Hinghbinh Gih Guh Gij Hong Diuyenz Aen Hanghmoeg Gungganq
Lauxsae Cuengh Gun Song Vahsaw Caeuq Dauqcunz Hagseng Sizsiz
Bouxsij: Banj Li Luz Sanhlingz Cinz Yenzlanz Se Siujlingz
4 nyied 10 hauh, Gvangjsih Swhfan Yozyen Codaengj Gyauyuz Yozyen Couh Sinzdungh yencangj、Liengz Yij fuyencangj caeuq Bangunghsiz cujyin Cinz Ya daengj, bae daengz Laizbinh Si Hinghbinh Gih Vujsanh Yangh Minzcuz Yozyau、Cunghsinh Siujyoz guh gij hozdung diuyenz gungganq lauxsae Cuengh Gun song vahsaw caeuq dauqcunz hagseng hag dang lauxsae.
Youq VujSanh Yangh Minzcuz Yozyau caeuq Cunghsinh Siujyoz, Couh Sinzdungh yencangj gyoengq lingjdauj neix, bae cazyawj gyoengq hagseng 2015 gaep siujyoz gyauyuz conhyez ( fuengyiengq Cuengh Gun) youq aen hagdangz neix hag guh lauxsae cingzgvang, caeuq 2014 gaep siujyoz gyauyuz conhyez ( fuengyiengq Cuengh Gun) couhnieb cingzgvang. Cungfaen haengjdingh le gyoengq sizsiz hagseng biujyienh ndaej ndei, doengzseiz gujli sizsiz hagseng laebdaeb hawsim yiengq cijdauj lauxsae hagsib, sawj sonhag bonjsaeh engq ak, vih baezlaeng guh gij hong Cuengh Gun song vahsaw songhag roengz aen giekdaej maenhsaed.
Youq gwnz codanzvei, Couh Sinzdungh yencangj daengj lingjdauj, couh gungganq gij lauxsae Cuengh Gun song vahsaw lij miz maz iugouz caeuq genyi guh le diucaz yenzgiu, lij gangj baezlaeng yaek caeuq Cuengh Gun song vahsaw hagdang gyagiengz lienzhaeh, doxgap son vunz, doengzcaez guh ndei gij hong gungganq gyoengq hagseng swhfan Cuengh Gun song vahsaw.
