Hagseng Yozyen Raeuz Camgya Gaiqdaeuz Byauhcunj Vahcuengh Singsang Doeg Doxdax Ndaej Cingzcik Ndei
12 nyied 25 hauh, Aen doxdax gaiqdaeuz byauhcunj Vahcuengh singsang doeg youq Namzningz Yizbause sinhvwnz fazbudingh gawjhengz, youz Namzningz si minzcunghveij, Namzningz si gyauyuzgiz, Namzningz si vwnzmingzban, Namzningz si minzyijveij daengj lai aen danhvei doengzcaez gawjbanh, aeu “Vahcuengh Yinhlwd Singzloeg Ndei, Doengzcaez Saedyienh Aen Siengjmuengh Cungguek Minzcuz Doxgiet” Guh cawjdaez. Miz 13 aen doih guh daibyauj daeuj camgya doxdax. Hagseng Cuenghgun song vahsaw conhyez yozyen raeuz gapbaenz aen doihdaibyauj ndeu, camgya le gij doxdax cujcizdij caeuq cujbouxdog.Banh Yenniz ndaej cujbouxdog it daengj ciengj; Luz Gyahyen、Dwng Yingzciuh faenbied ndaej ngeih、sam daengj ciengj; Vangz Gizbingz daengj roek boux doengzhag ndaej cujcizdij ngeih daengj ciengj.Yozyen raeuz ndaej youhsiu cujciz ciengj.Yozyen raeuz ndaej ciengj soqliengh caeuq ciengjhangh gvigek cungj baiz youq baihnaj.
Doengh boux camgya doxdax yozyen raeuz dwg youz Liengz Cunhlienz、Loz Yiyenz song boux fugyausou cijdauj. Hagseng camgya doxdax ndaej hingz cungfaen yienh’ok le gij naengzlig hagsib yijyenz caeuq gij giekdaej gig maenh hagseng yozyen raeuz.
Doengzseiz, mbat doxdax neix doengh dah guh gij hong lijyiz haenx cungj dwg daj Cuenghgun song vahsaw conhyez hagseng yozyen raeuz genj aeu. Hagseng fugsaeh yiedcingz, yienghceij daihfueng, cungj yienh’ok le gij cingsaenz ndei hagseng yozyen raeuz, ndaej baih cawjbanh caeuq boux camgya doxdax haenh mbouj dingz.