Yen Raeuz Lingjdauj Bae Daengz Sizsiz Yozyau Hai Guh Diucaz Yenzgiu Caeuq Sizsiz Veizfangj Gunghcoz
我院领导前往实习学校开展调研及
实习回访工作
Bouxsij : Fanz Suhvei
4 nyied 12 hauh, Co’daengj Gyauyuz Yozyen Vahcuengh vwnzyoz gyauyenh siz cujyin Loz Yiyenz fugyausou caeuq cunghhoz gyauyenh siz Luz Cangzcauh fu gyausou daeuj daengz Laizbinh Si Yinhcinz Yen Hungzdu Cin Cunghsinh Siujyoz haiguh gij diucaz yenzgiu caeuq dauq cunz gven daengz Cuengh Gun song vahsaw lauxsae beizyangj haenx.Yen raeuz miz 4 boux 15 gaep Cuengh Gun song vahsaw conhyez hagseng youq aen siujyoz neix hai guh gyauyuz sizsiz.
Youq yozyau diucaz seiz, song boux lauxsae bae dingq Fanz Suhvei、Banh Gohyih song boux sizsiz hagseng yozyen raeuz hwnj song dangz goq.Sat liux lij caeuq gij lingjdauj sizsiz yozyau doengzcaez hawj gij sizsiz hagseng bingzgoq.
Loz Yiyenz lauxsae caeuq Luz Cangzcauh lauxsae youq gwnz hoih doiq gij goekdaej song vahsaw yozyau lauxsae iugouz daengj gak fuengmienh guh le diucaz, cwnggouz le gij siengjfap gyoengqde doiq beizyangj song vahsaw hagseng, maqmuengh gvaqlaeng yaek aeu gyalaeng gij gyauhliuz caeuq goekdaej siujhag haenx,doengzcaez guh ndei gij hong beizyangj Cuenghgun song vahsaw lauxsae.
Doenggvaq dauqcunz, Loz lauxsae caeuq Luz lauxsae liujgaij le gij cingzgvang sizsiz hagseng hagsib caeuq gunghcoz haenx, doengzseiz haenh gij sizsiz hagseng guh ndaej ndei,heuh gyoengq sizsiz hagseng laebdaeb roengzrengz bae hag, lailai bae hag, caemhcaiq aeu haeujsim ancienz dem.
