Bi 2016 Gvangjsih Swhfan Yozyen Bouxcuengh
Vwnzva Hezvei Laehhoih Yienzmuenx Gietsat
Fanhioz:
2016 nienz 12 nyied 10 hauh banhaet, Gvangjsih Swhyen Codaengj Gyauyuz Yozyen Bouxcuengh Vwnzva Hezvei gyoengq veijyenz、gansw gaeuqmoq youq Cangzgangh yaugih Suisinghlouz 112 gyausiz ciuhai hezvei laehhoih. Baez hoih neix youz hezvei veicangj Fanz Suhvei、Fuveicangj Couh Sanhingh daengj vunz cujciz ciuhai.
Youq gwnz hoih, Fanz Suhvei sien guh hezvei gungcoz baugau, riengzlaeng de genjdanh gaisau le Cuengh hezvei canghcwngz. Riengzdaeuj dwg fuveicangj Couh Sanhingh giengzdiuh sedonz gijliz vwndiz, caiqlij ceijok sedonz seizneix miz gij gaeuq ndei de. Youq ndaw hoih, cienzdaej veijyenz gansw couh yenzdan vanjvei hozdung fangh’an mbehai yaenglwnh. Yaenglwnh gietsat le, youz misuhcangj Luz Gyahyen caeuq cujcizbu fubucangj Lij Yizcin guh fangh’an yaenglwnh cungjgez. Gatsat, cienzdaej veijyenz gansw hab’ingj louzniemh .
Baez Cuengh Hezvei laehhoih neix hai ndaej gig ndei, youq veicangj daengj hezvei bouxdaeuz cijdauj baihlaj, gyoengq veijyenz、gansw gaeuqmoq doiq Cuengh Hezvei miz le caenh’itbouh liujdaij, mingzbeg gak gij cizmwngz gak bouhmonz caeuq dox gapguh miz maz youqgaenj. Doenggvaq baez laehhoih neix, mboujdan hawj gyoengq vunz ndaw hezvei engq miz rengzcomzgiet, Caiqlij vih gansw gaeuqmoq gyauciep guh ndei gij hong cinjbei.