CODAENGJ GYAUYUZ YOZYEN BAE LAIZBINH SI DIUCAZ
YENZGIU BEIZYANGJ CUENGH GUN SONG VAHSAW LAUXSAE
初等教育学院赴来宾市开展壮汉双语师资培养调研活动
Bouxsij: Veiz Banghcwngz(韦帮铖) Ingjsiengq:Vangz Hanzyingh (黄寒英)
Geij ngoenz neix, lauxsae yozyen raeuz bae daengz Laizbinh Si Hinghbinh Gih Vujsanh Yangh Minzcuz Yozyau、Vujsenh Yen Dungzlingj Cin Cunghsinh Yau diuzcaz yenzgiu beizyangj lauxsae Cuengh Gun song vahsaw. Baez diucaz neix dwg vihliux gyalai cazrox 2016 gaiq siujyoz gyauyuz conhyez (Cuengh Gun song vasaw fuengyiengq) gyoengq sizsiz hagseng baenzlawz son’gyauq, caeuq yozyau Cuengh Gun song vahsaw doiq beizyangj lauxsae Cuengh Gun song vahsaw miz maz iugouz、yigen caeuq genyi, yawhbienh engq ndei bae laebbaenz siujyoz gyauyuz conhnyez (Cuengh Gun song vahsaw). Boux camgya baez diuyenz neix, miz boux gaemguenj Cuengh Gun song vahsaw lauxsae beizyangj hanghmoeg Liengz Cunhlenz fu gyausou、Cunghhoz gyauyenzsiz cujyin Vangz Hanzyingh fu gyausou、sizyensiz cujyin Binh Gvanhningz daengj sam boux lauxsae.
Youq song aen yozyau diucaz seiz, geij boux lauxsae bae diucaz yenzgiu haenx, bae dingq Veiz Banghcwngz daengj roek boux sizsiz hagseng yozyen raeuz hwnj roek dangz goq caeuq lauxsae sizsiz yozyau hwnj seiq dangz goq, doengzseiz lij loegsiengq dem.
Youq gwnz hoihcodanz gak yozyau gawjhengz haenx, sizsiz yozyau mizgven lingjdauj gaisau le gij caensaed cingzgvang gyoengq sizsiz hagseng, cungfaen haengjdingh gyoengq hagseng yozyen raeuz sizsiz guh ndaej ndei. Doengh boux lauxsae camgya diuyenz, caensim docih gak aen sizsiz danhvei cihciz gij hong sizsiz yozyen raeuz, youh maqmuengh gyoengq sizsiz hagseng yaek hawsim hag bonjsaeh, gaem gihvei ndei, daezswng bonjsaeh conhyez swhgeij, demlai ginglig, guhbaenz gij hong sizsiz. Doeklaeng, song fueng doiq aen vwndiz beizyangj Cuengh Gun song vahsaw lauxsae, dox gyauvuenh yigen, miz haujlai yawjfap doxdoengz.