CODAENGJ GYAUYUZ YOZYEN BAE MAJSANH、DAVA DAENGJ YIENH DIUCAZ YENZGIU BEIZYANGJ CUENGH GUN SONG VAHSAW LAUXSAE
初等教育学院赴马山、大化等县开展壮汉双语师资培养调研活动
Bouxsij: Hoz Cwngsai(何政帅) Dangz Siujvanh( 唐小欢)
Geij ngoenz neix, lauxsae yozyenz raeuz faenbied bae daengz Majsanh Yen Bwzsanh Cin Hozcoz Siujyoz、 Dava Yen Luzyej Yangh Cunghsinh Yau diucaz yenzgiu beizyangj lauxsae Cuengh Gun song vahsaw. Diuyenz muzdiz couh dwg gyalai cazrox gaiq 2016 siujyoz gyauyuz conhyez (Cuengh Gun song vahsaw fungyiengq ) gyoengq sizsiz hagseng baenzlawz son’gyauq, caeuq Cuengh Gun song vahsaw yozyau doiq beizyangj lauxsae Cuengh Gun song vahsaw miz maz iugouz、 genyi、yigen,yawhbienh ndaej engq ndei bae laebbaenz siujyoz gyauyuz conhyez (Cuengh Gun song vahsaw fungyiengq). Yozyen raeuz boux camgya diuyen de, miz boux gaemguenj Cuengh Gun song vahsaw lauxsae beizyangj hanghmoeg Liengz Cunhlenz fu gyausou、Suyoz Caeuq Sinsiz Gisuz Gyauyenzsi Cinz Langlinz fu gyausou.
Bae daengz yozyau, boux diuyenz sien yiengq gak aen yozyau cazrox sizsiz hagseng gunghcoz caeuq saedceij dwg yienghlawz, docih yozyau doiq sizsiz hagseng gak fuengmienh bangcoh caeuq ciuqgoq,lij riengz godangz bae dingq Hoz Cwngsai、Dangz Suijvanh daengj sizsiz hagseng caeuq yozyau lauxsae hwnjdangz dem.
Youq gwnz hoihcodanz gak yozyau gawjhengz haenx, gak sizsiz yozyau lingjdauj caeuq sizsiz hagseng cijdauj lauxsae, cungfaen haengjdingh sizsiz hagseng biujyienh ndaej ndei. Gyoengq vunz diuyenzcuj doiq sizsiz hagseng naeuz, yaek hawsim hagsib, roengzrengz lienhguh,itdingh aeu guhliux sizsiz yinvu. Doeklaeng, diuyenzcuj dingq le gij yigen caeuq genyi gak yozyau doiq beizyangj lauxsae Cuengh Gun song vahsaw.