HAGSENG GAIQ 15 SIUJYOZ GYAUYUZ CONHNYEZ(FUENG’YIENGQ CUENGH GUN SONG VA SAW ) CAMGYA CIHGUN DINGQSIJ CAEUQ VWNZVA CIHSIZ CIHGUN DOXDAX HEIJ NDAEJ IT DAENGJ CIENGJ
Veiz Banghcwngz Couh Sanhingh
Vihliux fungfouq sengvued suenhag daihhagseng、 demgya saekcaij suenhag、daezsang suciz gyauyu suijbingz daihhagseng, Gvangsih Swhfan Yozyen Codaengj Gyaeuyuz Yozyen youq bi 2016 6 nyied 3 hauh banhaemh seiz 19:30 youq yaugih canggangh laeuz Yuiyingh 112 gyausiz gawjbanh le baez cihgun dingqsij caeuq vwnva cihsiz cihgun doxdax ndeu. Baez doxdax neix dwg youz Vwnzva Bouxcuengh Yezvei Gvangsih Swhfan Yozyen caeuq faen donzveij Gungcinghdonz Gvangsih Swhfan Yozyen cujbanh, guh baez dodax hung neix bouxbingzveij dwg Gvangsih Swhfan Yozyen fugyausou、Cungguek Gauhdaengj Gyauyuz Yozvei yijvwnz gyauyuz conhnyez veijyenzvei dauhleix saw gyauyoz yenzgiu cungsim lijci Liengz Cinlienz lauxsae caeuq Gvangsih Swhfan Yozyen Codaengj Gyauyuz Y ozyen fugyausou、Nanzgaih Dayoz Yijyenzyoz bozsi Loz Yiyenz lauxsae.
Baez doxdax neix faen san mbat daeuj guh, daih’it mbat dwg cihgun dingqsij, daihngeih mbat dwg vwnzva cihgun bietdingh aeu dap, daihsan mbat dwg daezmoeg cihgun vwnzva ciengjdap. Youq ndaw baez hozdung doxdax neix, gungh miz bet aen duenzdoih ndaej haeuj doxdax doeklaeng. Youq ndaw baez doxdax gig haenq neix,daegbied dwg lumj aen duenzdoih gig ak Codaengj Gyauyu Yozyen 2013 gaep ban Dauz Hingzcih sizyen Sawgun fuengyiengq neix, dou ban song cihsaw 15 gaep song aen duenzdoih yungh Dwng Yingzciuh、Cungh Hau guh daibyauj duenzdoih cix youq ndaw doxdax byaujyienh ndaej ak raicaix, faenbied ndaej daengz it daengj ciengj caeuq sam daengj ciengj, linghvaih song aen duenzdoih hix mbouj ca, ndaej daengz youhsiuhciengj.
Baez doxdax hung neix baez hozdung vwnzva yisiz mizik gyoengq doengzhag. Yienznaeuz gienjdan, hoeng gyagiengz le daihhagseng doiq Cihgun Cungguek hagsib. Youq ndaw yozsiz de engq laeghaeuj liujgaij cihgun, roxriuj gij gyaeu cihgun gijyiengh、gij vwnzva, naengz nyinhcaenh hag ndei Sawgun. Doenggvaq doxdax caeuq doiq Cungguek cihsaw yengiu, gij hagseng cangya doxdax 15 gaep cuenghgun song cihsaw conhyez dijvei daengz vwnzva cihgun Cungguek gig laeg gig gvangq, doiq vwnva minzcuz Bouxcuengh raeuz roxriuj engq saeglaeg, vih doeklaeng guh lauxsae cuenghgun song cihsaw caepcawq nei, doengzseiz daj ndaw baez hozdung nei dijvei daengz swhgeij swnjcienz vwnzva cwzyin naekgywg.
