Codaengj Gyauyuz Yozyen 2015 Gaep Ban Cuengh Gun Song Vahsaw Guh Baenz Gyauyuz Yawjhag
初等教育学院2015级壮汉双语班圆满完成教育见习任务
Bouxsij: Couh Sanhingh
4 nyied 25 daengz 29 hauh, Codaengj Gyauyuz Yozyen 2015 gaep siujyoz gyauyuz conhyez ban Cuengh Gun song vahsaw daengxgyoengq doengzhag, youq Vangz Hanzyingh、Liuz Dunghmeiz song boux lauxsae daiqlingx lajde, daengz Nanzningz Si Yenswjlingj Siujyoz guh le gyauyuz yawjhag aen singhgiz ndeu. Gyauyuz yawjhag dwg vihliux liujgaij gij cingzgvang caeuq saedsaeh aeuyungh siujyoz gyauyuz gyauyoz seizneix, gyagiengz bouxyawjhag caeuq siuj hagseng doxlienzhaeh, daezsang gij naengzlig gyauyuz gyauyoz bouxyawjhag .
Youq yawjhag ndawde, 4 nyied 25 hauh banhaet, daengxgyoengq doengzhag camgya le aen gyauhliuzvei youq ndaw hagdangz doegsaw Yenswjlingj Siujyoz gawjbanh neix, 29 hauh lajbyonghngoenz bouxyawjhag haiguh le aen cawjdaez banhoih 《Siengjmuengh Iq Hagseng, Lauxsae Bang Saedyienh》, youq gwnz hoih, bouxyawjhag caeuq siuj hagseng doxlwnh caez angq, hoengh dangqmaz!
Baez yawjhag neix, gyoengq doengzhag haeujlaeg roxdaengz: Guh boux swhfanswngh, wnggai haenqrengz daezswng gij suijbingz dang lauxsae, vih daengzcog caencingqq byaij hwnj gwnz gyangjdaiz dwk roengz giekdaej maenhsaed.
