Gvangjsih Swhyen Lauxsae Daengz Gveigangj Si Cinzdangz
Gih Mungzgungh Yangh Cuenghgun Song Vahsaw
Saedniemh Sonhagdiemj Naicam Sizsiz Hagseg
我院教师到贵港市覃塘区蒙公乡壮汉双语学校看望2016届壮汉双语班实习生
Fanhoiz Luz Hungzyen(陆红艳)
2016 nienz 4 nyied 29 hauh gyanghaet,Gvangjsih Swhfan Yozyen Liengz Cunhlenz fu’gyausou、Cangh Gyaujvwnz fu’gyausou caeuq Mungzgungh Yangh Minzcuz Cunghyoz Huz Bangjhangz fuyaucangj、Mungzgungh Yangh Cunghsinh Siujyoz Cinz Souhwngz fuyaucangj daengz Gveigangj Si Cinzdangz Gih Mungzgungh Yangh Gauhcan Siujyoz、Gujsanh Siujyoz、Sanghlungz Siujyoz sam aen hagdangz Cuengh Gun song vahsaw neix, bae cazyawj hagseng sizsiz cingzgvang.
Bae daengz moix aen hagdangz, Liengz Cunhlenz、Cangh Gyaujvwnz lauxsae sien liujgaij gij gunghcoz caeuq swnghhoz gyoengq sizsiz hagseng, docih hagdangz bangcoh caeuq ciuqgoq sizsiz hagseng. Liengz Cunhlenz、Cangh Gyaujvwnz lauxsae lij bae dingq song boux sizsiz hagseng hwnjdangz, youh guh le diemjbingz. Doeklaeng lingjdauj hagdangz buenx Liengz Cunhlenz、Cangh Gyaujvwnz lauxsae canhgvanh le gij vwnzva ndalaeb ndaw hag.
Mwh de, Huz Bangjhangz、Cinz Souhwngz lij coucaz le Sanghlungz Siujyoz sizsiz hagseng Luz Hungzyen、Veiz Yaujminj、Cinz Yinzbingz doeg Sawcuengh, cungfaen haengjdingh le gij doeg Sawcuengh naengzlig geij boux sizsiz hagseng neix.