Codaengj Gyauyuz Yozyen Gaiq Daeuz Conhgoh Siujyoz
Gyauyuz Conhyez (Fuengyienh Cuengh Gun Song Vahsaw)
HagSeng Sizsiz Gunghcoz Guh Ndaej Swnhleih
初等教育学院首届专科小学教育专业（壮汉双语方向）
学生实习工作顺利开展
Fanhoiz Dangz Siujvonh（唐小欢）
Gaiq daeuz conhgoh siujyoz gyauyuz conhyez (fuengyieng Cuengh Gun song vahsaw) hagseng coux daeuj le saedceij sizsiz. Cenhgoh hagseng ban Cuengh Gun song vahsaw sizsiz seizgan dwg 2 nyied 29 hauh daengz 6 nyied 3 hauh, faenbaenz sam duen daeuj guh: 2 nyied 29 hauh daengz 3 nyied 31 hauh dwg ndaw yozyen cizsiz; 4 nyied 1 hauh daengz 5 nyied 28 hauh dwg rog yozyen sizsiz, 5 nyied 29 hauh daengz 6 nyied 3 hauh dauq yozyau cungjgez. Mbat hingzsik sizsiz neix, dwg hagseng ma bonjdieg aen hagdang son Cuengh Gun song vahsaw haenx gyoebcomz sizsiz. 2014 gaep ban Cuengh Gun song vahsaw hagseng Bineix bizyez miz 78 boux, faenbied daj 9 aen si 25 aen yienh daeuj, couh yaek youq 30 aen hagdangz son Cuengh Gun song vahsaw de guh sizsiz.
2016 nienz 4 nyied 1 hauh, gyoengq sizsiz hagseng laebdaeb bae daengz gak aen sizsiz hagdangz guh sizsiz. Sizsiz hagseng daeuj daengz sizsiz hagdangz seiz, haujlai hagdangz lij gawjhengz le angqcoux yizsiz. Youq gwnz angqcoux yizsiz, hagdangz fuengmienh yiengq sizsiz hagseng gaisau le hagdangz daihgaiq cingzgvang, lij fugsaeh gyoengq sizsiz hagseng gig dohdaengz, hawj gyoengq cizsiz hagseng gamjdoengh dangqma, hix hawj gyoengqde engq miz saenqsim, engq miz yiedcingz bae guh ndei gij hong sizsiz.
Youq duenh sizsiz neix, gyoengq sizsiz hagseng roxnyinh daengz sizsiz hagdangz gig miz yiedcingz, roxnyinh daengz gij hagdangz Cuengh Gun song vahsaw gig miz daegsaek. Haujlai sizsiz hagseng cungj naeuz, miz sizsiz hagdangz gvansim caeuq cijdauj lauxsae saeqsim sonyinx, ciep daeuj gij hong sizsiz haenx, yaek sou ndaej engq lai, coux ndaej rimrad cij dauqma.
大化实习小组
上林实习小组
上林实习小组2
上思实习小组
上思实习小组2
