Gyoengq Doengzhag Ban Cuenghgun Song Vah Saw Yozyen Raeuz Yawjngonz Gvangjsih Minzcuz Bozvuzgvanj Caeuq Gungjmyauq
我院壮汉双语班学生参观广西民族博物馆及孔庙
Dunghsinyenz: Dangz siuhvonh
通讯员:唐小欢
Vihliux fungcuk gij cihsiz gyoengq doengzhag, hawj gyoeng doengzhag lai rox vunzva minzcuz raeuz, 10 nyied 18 hauh, Liengz Cunhlenz caeuq Vangz Hanzyingh song boux lauxsae daiqlingx gyoengq hagseng gaiq 2014、2015 ban Cuengh Gun Song Vahsaw bae daengz Gvangjsih Minzcuz Bozvuzgvanj caeuq Gungjmyauq yawjngonz.
Youq song giz haenx, gyoengq doengzhag yawj gij mozhingz、doxgaiq、dozsiengq vunzva minzcuz raeuz caeuq vunzva Yuzgyah. Gyoengq doengzhag yawj ndaej nizyinx raixcaix, mizseiz daengx roengzdaeuj yawj, mizseiz ingjsiengq louzniemh, mizseiz youh itheij yaenglwnh. Yawj liux le, gyoengq doengzhag cungj naeuz,
mbat hozdungz neix ,hawj swhgeij engqgya rox le minzcuz vwnzva Gvangjsih cawuq vwnzva Yuzgyah gvangqlangh laeglumx, engqgya nyinhroh cienzswnj caeuq fazyangz vwnzva minzcuz raeuz gig youqgaenj , daihgya doiq vunzva bonj minzcuz engqgya nyinhdoengz, gietsim vih liux fazcanj vwnzva gyauyuz saehnieb Bouxcuengh guh gung’yen.