GVANGJSIH SWHFAN YOZYEN CODAENGJ GYAUYUZ YOYEN GAWJBANH GAIQ DAIH’IT SINGSANG DOEG BYAUHCUNJ VAHCUENGH DOXDAX
广西师范学院初等教育学院举办
首届标准壮语朗读比赛
(Dunghsinyenz: Dangz Siujvonh Vangz Fangh Veiz B anghcwngzciz )
9 yied 22 hauh banringzgvaq, yozyau raeux codaengj gyauyuz yozyen youq canggangh yaugih ruisingh louz 112 hauh gyausiz gawjbanh gaiq daih'it singsang doeg byauhcunj vahcuengh doxdax. Gij bingzveij doxdax miz Gvangsih minzcuz gysuyuz fazcanj cunghsinh Lij Yiming gyaucou、Sam Nyied Sam Cazcice Cinz Ciengzcouh cujbenh、Gvangjsih mincuz dayoz venyozyen Luz Yongjbinh gyaucou、Cozdaengj gyauyuz yozyen Liengz Cunhlenz gyaucou、Loz Yiyenz fugyaucou, goengh 5 boux lauxsae. Camgya aen doxdax gyahbinh lij miz Cozdaengj gyauyuz yozyen Lingz Sihyinz fusuhgi、Liengz Yij fuyencangj、 yozgonghban laeuxsae Cinz Yaq caeuq Hoz Cinbinh dem.
Doxdax gaxgonq, Lingz Sihyinz fu suhgi gangjvah, de giengzdiuh 2014 gaep Cuengh Gun Ban Songyij dwg cangzgangh gaep daih'it cuengh gun song vahsaw ban lauxsae beizyangj haenx, mbek gij yinvu minzcuz gyauyoz saehnieb、gawjbanh baez doxdax neix dwg vihliux genjyen gyoengq doengzhag gij suijbingz doeg vahcuengh, daj ndaw doxdax ra boux ak, yiengq gij bangjyang yozciz, yungh doxdax daeuj lienh bonjsaeh, hag baenz couh maranz bauqdap diegseng.
Youq gij yienzdieg doxdax, 40 boux hagseng gaiq 2014 Banceunggun songvahsaw cozdaengj gyauyuz yozyen yoenghrengz gij sing caeuq gamjcingz vih gyoengq bouxyawj doeg gij goj cuhgonq Bouxcuengh, hawj gyoengq bouxyawj rox gij goj Boux Roxdoh、Liuz Sanhcej. Gij vahgangj sengdoengh mizyinx、gij byaujcingz fungfouq dawz gij gojgaeq saenzgeiz haenx byaujdaz ndaej mizfeihsubsub, gij sing bekfwngz sing angqhemq ndaw yienhciengz mbouj duenh. Ginggvaq baez doxdax youh gaenjcieng youq haenq neix, gyoengq bingzveij bingz ok daih’it daengjciengj 5 mingz, daihngeih daengjciengj 10 mingz, daih sam daengjciengj 25 mingz.
Liengz Cunhlenz fugyausou diemjbingz baez doxdax neix, de byaujsi yaugoj baez doxdax neix beij yienzlai gijsiengj lij ndei, doiq gyoengqdoengzhag youq bi seizgan dinjdi neix couh naengz dawz vahdoj vuenh baenz vahcuengh byauhcunj, caemhcaiq naengz daihdamj dwk hwnj daiz langzduz gamjdaengz gig muenxeiq. Satlaeng, “Fwenvuengz” Cinz Ciengzcouh youq aen doxdax neix yienh hwnj fwen Bouxcuengh, gij sing fwen goksaksak rwenz youq ndaw ciengz doxdax.
Baez vahcuengh byauhcunj langjduz dodax neix, yungh doxdax daeuj coi lienh, daezsang gij suijbingz yungh sawcuengh gyoengqdoengzhag, daezswng suijbingz langjduz, sawj gyoengqdoengzhag ban cuengh gun song vahsaw caenndang bae cimz yawj gij yinxdaeuz hag sawcuengh.