Hungzyangz Minzcuz Vwnzva Ciengqyiengj Hot FwenYisuz
Vwnz:Sung Ciuhlinz、Cinz Meijgyah、Loz Yungj
2019 nienz 11 nyied 24 hauh, Bouxcuengh Vwnzva Hezvei yozyau raeuz ndaej Gvangjsih Minzcuz Doyoz Minzcuz Vwnzva Huzndei Cuzcinvei iucingj, bae daengz Gvangjsih Minzcuz Dayoz Vujboh Vwnzva Gvangjcangz, Camgya minzcuz vwnzva yisuzcez hozdung.
Aen hozdung neix daj youzyenz hozdung haidaeuz, gij hozdung Youzyenz yienhciengz mboujdanh ndaej cimz doxgaiq baenzgwn, ndaej louzyawj gij gencuzvuz miz minzcuz daegsaek, vanzlij ndaej gag doenghfwngz san daehhom、caggiet caijsoq ndei, youzyenz hozdung hawj raeuz rox gij vanndei doenghgwn caeuq gij akcwk dinfwngz Bouxcuengh. Gaendwk couhdwg vwnzva yisuz biujyienj, sien dwg lingjdauj、lauxsae gangjvah, riengz gak boux hekgviq gangj le gij muzdiz caeuq yiyi banh baez hozdung neix, ciepdaeuj dwg gij cezmuz biujyienj gig miz daegsaek, gyoengq yienjyenz doq diuq doq ciengq, Miz minzcuz fuzcanghsiu、foux Yeznanz gvangjcangz caeuq gij biujyienj gig ndei gak aen hezbanfangh……Daengx aen yienhciengz nauhyied dangqmaz. Gyoengqvunz youq ndaw heiqfaenh angqyangz neix bae gamjsouh gij meiliz minzcuz vwnzva, caez yiengj caez hoh minzcuz doxhuz doxndei.
Baez hozdung neix,hawj gyoengq cwngzyenz Bouxcuengh Vwnzva Hezvei yozyau raeuz gamjsouh daengz gij minzcuz funghcingz wnq, raen daengz gij minzcuz daegsaek wnq. Gyoengq veiyenz siengjok le swhlu moq, gaemdawz le ginwngz moq, ndaej caeuq beixnuengx yenyau beixnuengx hezvei gyalaeg gamjcingz , hix doiq daengzcog baenzlawz gaihcanj hezvei hozdung miz le fueng’yiengq moq.