Gvangjsih Minzcuz Gyauyuz Fazcanj Diuyenz Codanzvei
Youq Cozdaengj Gyauyuz Yozyenz Ciuhai
广西民族教育发展调研座谈会在我院召开
6 nyied 6 hauh banringz gvaq 4 diemj，Gvangjsih minzcuz gyauyuz fazcanj codanzvei youq yozyau raeuz Cangzgangh Yauzgih cunghhozlouz haj louz veiyisiz ciuhai. Hai aen veiyi neix, dwg vihliux diuyenz aen yozyau raeuz Cuengh-Gun song vahsaw hagseng youq hagsib swnghhoz roeb daengz gijmaz vwndiz. Boux lingjdauj lauxsae camgya aen veiyi neix miz Gvangjsih Gyauyuzdingh Minzcuz Gyauyuz Fazcanj Cunghsinh Couh Gwzyih cujyin、 Lij yizmingz gyausou dem Codaengj Gyauyuz Yozyen Lingz Sihyinz fusuhgi、Liengz Yij fuyencangj、 Liengz Cunhlenz fugyausou daengj. Lij miz ban Cuengh-Gun song vahsaw 6 boux hagseng daibyauj hix camgya aen veiyi neix.
Youq gwnz hoih, Couh Gwzyih cujyin naeuz, mbat codanvei neix muzdiz dwg caenh’itbouh liujgaij gungganq gij lauxsae Cuengh-Gun song vahsaw roeb daengz gijmaz hojnanz caeuq vwndiz. Lauxsae daibyauj caeuq hagseng daibyauj doiq gyoengq doengzhag youq hagsib swnghhoz caeuq daengzcog maqmuengh daengj fuengmienh daezok le genyi gig ndei, doiq lij miz gij vwndiz de, lingjdauj、 conhgyah caeuq lauxsae guh’ok ciengzsaeq gejdap, ciengzmienh hoenghhwd huzndei.
Baez codanzvei neix hai ndaej gig baenz，doiq baezlaeng gungganq gij lauxsae Cuengh-Gun song vahsaw, miz aen dinghvih gig mingzbeg ndeu, gaijgez le gij vwndiz youqgaenj gyoengq hagseng aen ban Cuengh -Gung song vahsaw. Doengzseiz hix demcaenh le gij gamjcingz hagseng caeuq lingjdauj.
