Hagseng Gvangjsih Swhfan Yozyen Bouxcuengh Vwnzva Hezvei Ngonz Gaiqdaeuz Daengxgih Siujhagseng Yienzdieg Sawcunegh Cozvwnz Doxdax
Sawcuengh fanhoiz: Fanz Suhvei
10 nyied 22 hauh, cijdauj lauxsae Liengz Cunhlenz caeuq Bouxcuengh vwnzva hezvei veicangj Fanz Suhvei daiq cib boux hagseng Gvangjsih swhfan yozyen bae Namzningz si Sihyenz Fanden ngonz gaiqdaeuz daengx gih siujhagseng youq yienzdieg sij cozvwnz Sawcunegh doxdax. Linghvaih, hagseng Gvangjsih swhfan Yozyen lij guh ciemdaengz、yienzdieg gamgauj caeuq faensoq gyoepsuenq daengj hong ndaw hoih.
Mbat doxdax neix dwg swcigih gyauyuzdingh cawjbanh, vih le daezsang gij naengzlig sijsaw hagseng, gung gij yinxdaeuz hag Sawcuengh hawj hagseng, fungfouq gij swnghhoz ndawhag hagdangz Cuenghgun songvah, hawj ndawhag Cuenghgun songvah cauh ok aen vanzging ndei ndeu, vih hagseng Bouxcuengh daezhawj aen vujdaiz okyienh swhgeij ndeu. Caemh dwg mbat Gvangjsih Cuenghgun songvah sonhag cingzgoj gyauhliuz caeuq baenzgoeng baijok ndeu. Coicaenh hong Cuenghgun songvah fazcanj gig hung. Doiq baujhoh caeuq daihlig fatyiengz minzcuz vwnzva ndei gih raeuz miz cozyung gig hung. Miz 69 boux hagseng daj 20 aen yen(si 、gih) daeuj camgya mbat doxdax neix.
Ndaw duenh doxdax, lauxsae daiqdoih caeuq hagseng Gvangjsih Swhfan yozyen riengz lingjdauj swcigih gyauyuzdingh minzcuz gyauyuzcu caeuq minzcuz fazcanj cunghsinh 、bingzveij lauxhangz, lij miz gij lauxsae daiq siujhagseng daeuj camgya doxdax haenx caez gyauhliuz、caez damqcaz gij vwndiz Cuneghgun songvah sonhag haenx. Gyoengq lingjdauj 、bingzveij doiq gij biujyienh hagseng Gvangjsih Swhfan Yozyen haenh mboujdingz, caemhcaiq lij gienqmienx gyoengq hagseng roengzrengz hagsib, hag ndei gijcuj, haenqrengz guhbaenz boux lauxsae Cuenghgun songvah haeujgek ndeu.
Gyoengq hagseng Gvangjsih Swhfan Yozyen cungj naeuz, doenggvaq ngonz mbat doxdax neix caeuq camgya guh hong ndaw hoih, soundaej gig lai. Neix le yaek aeu hag ndei conhyez cihsiz, gaemguenj ndei gij ginwngz Cuenghgun songvah sonhag. Haenqrengz guhbaenz boux lauxsae Cuenghgun songvah haeujgek ndeu.
