2020 nienz 11 nyied 16 hauh, 2018 gaep Cuengh Gun Sanghyij hagseng youq Nanzningz Swhfan Dayoz Fusuj Sizyen Yozyau hai guh gij hong sizsiz, boux lauxae daiqdoih miz Codaengj Gyauyuz Yozyen Cuengh Gun Sanghyijhi cujyin Liengz Cunhlenz, hi fucujyin Veiz Siuhngai caeuq Banh Hungzgyauh lauxsae.
Gyanghaet bet diemj baedauq, gyoengq hagseng sizsiz youq bakdou baizdoih, boux dem boux liengz dijvwnh haeuj yau. Ngamq haeuj ndaw hagdangz, couh raen diuz fukhoengz angqcoux venj dangqnaj ndeu, hawj vunz lai ndaw sim gig unqraeuj. Gyoengq hagseng sizsiz bae camgya aen hoih gyanghaet, gamjsouh gij faenhveiz yozyau. Ciepdaeuj couh camgya aen hoih sizsiz, yozyau Vangz fuyaucangj、Cungh cujyin yiengq gyoengq hagseng sizsiz gaisau gij cingzgvang yozyau, daezok sizsiz iugouz, lij muengh baez sizsiz neix swnhleih guhbaenz. Liengz lauxsae hix doiq hagseng sizsiz daezok geij diemj maqmuengh: ndaw sim gyaez hagseng、ndaw da raen hagseng、ndaw fwngz miz hong guh、guhhong miz gijliz、banhsaeh aeu soujsiz. Aen hoih neix sat liux, gyoengq hagseng sizsiz couh haeuj daengz ndaw ban swhgeij, nyinhcaen dingqgo, hagsib.
Lijlun aeu caeuq sizcen doxcab, baez sizsiz neix couh dwg dawz lijlun yungh haeuj ndaw sizcen bae. Muengh hagseng Cuengh Gun Sanghyij hag ndaej doxgaiq, rox yungh gij hag, yungh ndaej habhoz.