壮语学习

您现在的位置: 首页 >> 小教魅力 >> 壮语学习 >> 正文

Nanzningz Swhfan Dayoz Bouxcuengh Vwnzva Hezvei Veiyenz Doxraen Caeuq Yizsiz Venjbaiz Bouxgagnyienh Guhbaenz

文章来源: 作者:Vwnz: Bwz Cuyiz 、Liengz Haijyinz 、Linz Lanzci 、Lanz Veijyi 发布时间:2020年11月11日 点击数: 字号:

2020 nienz 11 nyied 10 hauh 19:00, Nanzningz Swhfan Dayoz Bouxcuengh Vwnzva Hezvei youq Cunghhoz laeuz 102 gyausiz gawjhengz veiyenz doxraen caeuq yizsiz venjbaiz bouxgagnyienh hozdung. Boux hekgviq daeuj baez hozdung neix miz : Codaengj Gyauyuz Yozyen hi Cuengh Gun Song Vahsaw fucujyin Veiz SiuhngaiGvangjsih  Minzcuz Dayoz Minzcuz Vwnzva Doxhuz Coicaenh Hezvei daibyauj Hoz CingezGvangjsih Minzcuz Dayoz Vwnzva Swnjcienz Hezvei daibyauj Vangz YijbeiSausenhdui Fujdaujyenz Gunghcoz Hezvei daibyauj Cinghnenz Ciyencej Hezvei daibyauj Cauhvah Vwnzyozse daibyauj Majgwzswh Cujyi Cunghgozva Yenzgiu Hezvei daibyauj caeuq sedonz gvanjlij bu daibyauj.

Haidaeuz, bouxcujciz gaisau gakboux cangzveijveijyenz caeuq gak bumwnz ciznwngz hawj daihgya,  sawj vunzlai engq rox gij mizgvan Bouxcuengh Vwnzva 

Hezvei. Roengz daeuj, veicangj Liuz Yinghfeih gangjvah, de angqcoux gyoengq cwngzyenz moq gya haeuj hezvei, yiengq daihgya gaisau gij hong hezvei, lij daezok iugouz caeuq genyi hawj gij hong baezlaeng, caemhcaiq yinxok gij fueng’yiengq fazcanj bae naj. Veicangj gangj sat le, bouxcujciz senhbu mbaw mingzdan bouxgagnyienh gaiq moq caeuq yizsiz venjbaiz. Hozdung gaksat, cingj hi Cuengh Gun Song Vahsaw fucujyin Veiz Siuhngai doiq baez hozdung neix guh cungjgez, Veiz Siuhngai lauxsae giengzdiuh gij youqgaenj caeuq Bouxcuengh vwnzva hezvei  hagdangz wnq doxhuz doxndei, lij doiq hezvei daezok sam diamj iugouz: it dwg aeu miz gij yisiz fuzvucauhmoq caeuq naengzlig; ngeih dwg ndaw hezvei aeu doxgiet doxbang; sam dwg ndaw hezvei, hezveiz raeuz caeuq hezvei wnq lai gawjbanh gyauliuz hozdung. Muengh daengx veiyenz caez roengzrengz, dawz hezvei guh ndaej engq ndei.

      Baez hozdung neix mboujdan miz ligliengh moq gyahaeuj, lij sawj hezvei engq rox baezlaengz baenzlawz byaij. 108 boux veiyenz moq ngamq gyahaeuj haenx, hix caezsim roengzrengz, dawz minzcuz cingsaenz fazyangz ndei, dawz minzcuz vwnzva swnjcienz ndei.

 

更多
[打印文章] [添加收藏]

关闭