2020 nienz 10 nyied 19 hauh 19:30, Nanzningz Swhfan Dayoz Bouxcuengh
Vwnzva Hezvei faenbied youq laeuz ciqyenh 402、403 gyausiz gawjhengz gij hozdung souaeu caeuq mensi bouxmoq. Mensigvanh miz：bonj gaiq veicangj、cangzveij、gak banjgvaij fucwzyinz caeuq gunghcoz yinzyenz.
Mensi yienhciengz,gak banjgvaij fucwzyinz caeuq gunghcoz yinzyenz gaengawq gij gunghcoz sihyau daeuj gaujcaz boux daeuj mensi haenx, yawj gyoengqde gak fuengmienh naengzlig baenzlawz yiengh. Mensigvanh cam maz, bouxdap cungj mbouj vueng mbouj muengz, ndaw sim gig mizsoq. Yawj gij biujyienh gyoengqde couh rox gyoengqde gyaez Bouxcuengh Vwnzva Hezvei lai lo. Mensi liux sam aen cungdaeuz, gij hong souaeu bouxmoq baezneix caezcup guh sat lo.
Baez mensi neix, gak bumwnz cungj sou ndaej haujlai bouxak bouxhob. Miz bouxmoq haeuj daeuj, sawj hezvei raeuz engq ak, muengh gyoengqde vih hezvei fazcanj daiq daeuj ligliengh moq.
