壮语学习

您现在的位置: 首页 >> 小教魅力 >> 壮语学习 >> 正文

Sij faenzcieng ndei bouxcoz, yienj yienghceij moq seizdaih

文章来源: 作者:Vwnz:Sung Ciuhlinz、 Cwng Danhyingj、Fanz yijsuij、Cinz Meijgyah、Loz Yungj 发布时间:2020年05月10日 点击数: 字号:

 Moixbi 5 nyied 4 hauh dwg ngoenz dijndaej moix bouxcoz geiqmaenh ndeu. Dauqyawj lizsij, 1919 nienz 5 nyied 4 hauh, Cungguek bauqfat le “Haj Seiq Yindung ”, neix daibyauj Cungguek ndaej haeuj aen lizsij seizgeiz moq bae, doiq Cungguek hwngfat yingjyangj gyaelaeg. “Haj Seiq” mboujdan dwg ciengz yindung ndeu, engq dwg aen seizdaih ndeu, caemhcaiq dwg cungj cingsaenz ndeu.

    Vih hawj gyoengq doengzhag gyalaeg gij nyinhrox cingsaenz gyaezguek, engq ndei bae swnjcienz cingsaenz “Haj Seiq”, hawj gyoengqde gamj dawzrap sawjmingh hauxseng, gag rox haenqrengz buekmingh bae gouz ak, Nanzningz Swhfan Dayoz Bouxcuengh Vwnzva Hezvei yiengq daengx gyoengq hagseng haiguh aen hozdung singsang doeg ndeu. Baez hozdung neix cawjdaez dwg “Geiqmaenh Lizsij Sawjmingh, Yienjok Yienghceij Bouxcoz”, hozdung youq gwnz vangjloz laebdaeb guh le 12 ngoenz.

     Hozdung hainduj doxdaeuj, gyoengq lwghag Nanzningz Swhfan Dayoz cizgiz camgya, doxcanj bauqmingz, bouxdoeg gaengawq conhyez daegsaek caeuq vahdoj ranzmbanj, dawz cingsaenz Haj Seiq caeuq cingsaenz dingjhoenx binghraq guh cawjdaez, doeg ok gij gingqgyaez caeuq gyomyaiq laeg doiq doenghboux henhoh guekgya haenx. Gyoengq cozbinj fat gvaq daeuj haenx, miz vunz aeu Vahcuengh Vahdoj daeuj haenh cingsaenz Haj Seiq; miz vunz dawz Vah guengjdoeng daeuj doiq gyoengq yinghyungz byaujsi docih caeuq boiqfug; lij miz vunz yungh Vahgun daeuj hungzyangz cingsaenz Haj Seiqdocih yinghyungz dingjhoenx binghraqgingq doenghboux miz yunghyiemj lij gamj okrengz oknaj haenx daengj. Doenghgij cozbinj hawj vunz gig miz cingsaenz neix, cungj doenggvaq gij gunghcunghau Bouxcuengh Vwnzva Heizvei doisoengq fatbiuj, hawj bouxcoz rox bae swnjcienz cingsaenz Haj Seiq, yienjok gij yienghceij bouxcoz seizdaih moq.

Baez hozdung neix cungfaen diuhdoengh gij cizgizsing daengxgyoengq hagseng, yienjok gij cingsaenz roengzrengz bae aeugouzsaed cauhmoq daihhagseng seizdaih moq haenx. Gij feiz cingsaenz Haj Seiq lij dawzfofo, lizsij mboujduenh yiengq baihnaj byaij bae, bouxcoz seizdaih moq, muengh daihgya ndaej lumj rumzraq bag hai langhhung ityiengh, bae daengz giz engq gyae; ndaej dawz gij gangfung venj sang, youq ndaw haij roemx bae naj. 

 

更多
[打印文章] [添加收藏]

关闭