壮语学习

您现在的位置: 首页 >> 小教魅力 >> 壮语学习 >> 正文

Vangjloz Sam Nyied Sam, Yinxdaeuz Hix Caen lai

文章来源: 作者:Cwng  Danhyingj、Su ngCiuhlinz 、 Fanz yijsuij、Cinz Meijgyah、Loz Yungj 发布时间:2020年04月01日 点击数: 字号:

Liggaeuq Sam nyied sam, dwg aen ciet conzdungj Bouxcuengh, hix dwg gij vwnzva yizcanj dijbauj gyoengq lwglan Bouxcuengh. Vih hawj hagseng engq lai rox gij fungsug ngoenzciet Bouxcuengh, gamjsouh gij vwnzva cietheiq Bouxcuengh daj ciuhgeq cienz roengzdaeuj haenx, 2020 nienz 3 nyied 26 hauh, Nanzningz Swhfan Dayoz Bouxcuengh Vwnzva Hezvei youq ndaw ciet gawjbanh “Angq Gvaq Sam Nyied Sam, Swnjciep Vwnzva Raeuz hozdung, youq gwnz vangjloz, daiq daihgya liujgaij Sam Nyied Sam Gvangjsih.

Baez hozdung neix youq gwnz vangjloz mbehai, cawjdaez dwg “Angqhoh Ngoenz Ciet Sam Nyied Sam, Caez Yawj Gingj Ndei Dieg Bazgvei ”. Hozdung hainduj doxdaeuj, gyoengq hagseng Nanzningz Swhfan Dayoz cizgiz camgya, gaengawq dwzcangz swhgeij caeuq hozdung cawjdaez, yungh lai cungj hingzsi biujyienh ok gij funghcingz Sam Nyied Sam mbanjranz swhgeij. Miz mbangj ingjsiengq haeuxnaengj hajsaek caeuq ceiz daengj lai cungj doenghgwn ngoenz ciet guhbaenz haenx; miz mbangj guh aendomq caeuq dajsiuq daengj soujgunghyibinj miz minzcuz daegsaek Bouxcuengh; lij miz mbangj gag luz sibinz eufwengoeng lan dwk youzcaz daengj. Doengh gij cozbinj gij miz minzcuz daegsaek caeuq ganjyenj naengzlig neix, cungj doenggvaq gij gunghcunghau Bouxcuengh Vwnzva Hezvei doisoengq fatbiuj, hawj engq lai vunz caez yiengjsouh.

Baez hozdung neix, hawj gij goqyiz vwnzva swnghhoz gyoengq hagseng engq mizyinx lo, hix sawj daihgya vaiqvued gvaq ciet seiz, engqgya haeujlaeg gamjsouh gij meiliz conzdungj vwnzva Bouxcuengh. Doiq daezsang hagseng gij yisiz boujhoh minzcuz vwnzvagyalaeg gij cingzgamj ndiepgyaez mbanjranzndiepgyaez minzcuzndiepgyaez guekcoj miz ik, caemhcaiq ndaej doidoengh yozyau minzcuz doxgiet cinbu.

  

 

 

 

 

 

 

 

更多
[打印文章] [添加收藏]

关闭