Aen hoih boux veiyenz Bouxcuengh vwnzva hezvei
doxraen caeuq yizsiz venjbaiz bouxgagnyienh
Vwnz ： Cinz Meijgyah 、 Sung Ciuhlinz 、 Loz Yungj DOZ: Cwnz Ndai 、 Cinz Lingzyen
2019 nienz 10 nyied 10 hauh 19 : 30 ， Bouxcuengh vwnzva hezvei youq
laeuz ciqyenh 405 gyausiz gawjhengz veiyenz doxraen caeuq yizsiz venjbaiz bouxgagnyienh hozdung. Boux hekgviq daeuj baez hozdung neix miz : Codaengj Gyauyuz Yozyen fuyencangj Loz Yiyenz、 Codaegj Gyauyuz Yozyen fujdaujyenz Lij Yinh、 Veiz Vwnzbingz , Codaengj Gyauyuz Yozyen yozswnghvei cujsiz Yangz Siucwngz、Sam yinh daibyauj、Veicangj Bouxcuengh vwnzva hezvei Gvangjsih Dayoz、Hezvei veicangj Gvangjsih Minzcuz Dayoz. Lij miz 19 gaep veiyenz daibyauj caemh daeuj baez hozdung neix .
Haidaeuz, bouxcujciz gaisau gij ciznwngz cangzveij、veijyenz caeuq gak bumwnz hawj daihgya, sawj vunzlai engq rox gij mizgvan Bouxcuengh vwnzva hezvei. Roengz daeuj, veicangj Cinz Cozli gangjvah, de angqcoux gyoengq cwngzyenz moq gya haeuj hezvei, yiengq daihgya gaisau gij hong hezvei, lij daezok iugouz caeuq genyi hawj gij hong baezlaeng, caemhcaiq yinxok gij fueng’yiengq fazcanj bae naj. Veicangj gangj sat le, bouxcujciz senhbu mbaw mingzdan bouxgagnyienh gaiq moq. Hozdung gaksat, cingj fuyencangj Loz Yiyenz caeuq fujdaujyenz Veiz Vwnzbingz doiq baez hozdung neix guh cungjgez , fuyencangj Loz Yiyenz lauxsae caeuq dou biujmingz gij youqgaenj lienzheih Bouxcuengh vwnzva hezvei hagdangz raeuz caeuq hagdangz wnq; Ceijok gij vwndiz dangqnaj raeuz miz haenx , naeuz raeuz wnggai “ byaij okbae ”lai yawjyawj; Song de Doengzseiz hawj raeuz daezok le gij genyi dijbauj guhlawz bae cienzciep ndei vwnzva Bouxcuengh raeuz.
Baez hozdung neix mboujdan miz ligliengh moq gyahaeuj, lij ndaej haenqrengz fazyangz gij cingsaenz caeuq vwnzva Bouxcuengh. Dauqngeix gvaqbae , miz gij cingzcik gig lai ; Yawjcoh daengzcog , hix miz mamuengh hwngfwdfwd! Ngoenz saedceij doxbae, Bouxcuengh vwnzva hezvei yungzhaeuj ligliengh moq haenx, gaemdawz fueng’yiengq cingqdeng , youq diuz roen minzcuz cingsaenz neix hai ruz gangfung !
