壮语学习

您现在的位置: 首页 >> 小教魅力 >> 壮语学习 >> 正文

Gaiq Daih’it Daengxgih Vahcuengh Songyauq Bonjsaeh Doxdax(Lauxsae Cuengh Gun Song Vahsaw Caeuq Swhfanswngh)Ciengz Nanzningz Swhfan Dayoz Gag Genj

文章来源: 作者: 发布时间:2019年10月14日 点击数: 字号:

Gaiq Daih’it Daengxgih Vahcuengh Songyauq Bonjsaeh Doxdax

Lauxsae Cuengh Gun Song Vahsaw Caeuq Swhfanswngh

Ciengz Nanzningz Swhfan Dayoz Gag Genj

VwnzCwngzdanh Yingj Cinz Meijgyah Sung Ciuhlinz 

2019 nienz 10 nyied 13 hauh banhaet 8 diemj buenq , gaiq daih’it daengxgih Vahcuengh songyauq bonjsaeh doxdaxlauxsae Cuengh Gun song vahsaw caeuq swhfanswnghCiengz Nanzningz Swhfan Dayoz Gag Genj, youq aen laeuz Swhruiqlouz 303 gawjhengz , Baez doxdax neix hagseng daj 2017 caeuq 2018 nienzgaep Cuengh Gun Sanghyij Banh genj aeu. Cingj laj neix geij boux daeuj guh boux bingzveij: Codaengj Gyauyuz Yozyen fuyencangj Loz Yiyenz , Codaengj Gyauyuz Yozyen Cuengh Gun Sanghyij hi cujyin Liengz Cunhlenz, Codaengj Gyauyuz Yozyen Cuengh Gun Sanghyij hi fucujyin Veiz Siuhngai.

Seiz doxdax, gyoengq hagseng yungh Vahcuengh caeuq Vahgun songyauq , yawj ok gij gihcuj songyauq gyoengqde gig netsaed, hawj bouxyawj roxnyinh Vahcuengh hix gig mizyinx. Gyoengqde youq gwnz daiz hwnjdangz seiz, najda ronghgywg, mbouj vueng mbouj muengz, gangj ndaej miz dauh miz leix. Hawj bouxwnq yawj raen gij bonjsaeh swhgeij, hawj vunz daj ndaw sim boiqfug, hawj geijboux bingzveij lauxsae miznaj dwk danqhaenh. Baez doxdax neix caen dwg bouxak doxcomz, ciengzmienh ndeiyawj foenfoen. Moix boux doengzhag cungj haenqrengz aeu gij bonjsaeh swhgeij okdaeuj, beij swhsiengj , hix beij ginwngz; beij funghgwz , hix beij suijbingz . 

Baez doxdax neix muzdiz, it dwg hawj hagseng engqrox engq gyaez aen conhyez neix, ngeih dwg hawj hagseng lai haenqrengz bae hag gij ginwngz swhfanswngh, daezsang suciz vwnzva swhgeij.

 

更多
[打印文章] [添加收藏]

关闭